شاجوانە ناشیرینەکان: ''ڕووداو گیان، ئەی تاجیری خەبەر!''

چەند هەزار خوێندکار وا خەریکە شکۆ و کەرامەتیان دەخرێتە ژێر پێ، بەشەناوخۆییان سووتاو و بێ ئاو و کارەبایە، بێ گەرمی و ساردییە، بێ ژیانە. چەندین خوێندکار خەریکی خۆکۆکردنەوەن، خەریکی ئامادەباشی و سەنگەرلێدانن، خەریکی ڕێپێوان و هاوارکردنن بۆ مافەکانیان، خەریکن یەکەمین جووڵانەوەی خوێندکاری-سیاسی-فیکری دروست دەکەن و پێویستیانە بچنە بەرچاوی کۆمەڵ، کۆمەڵگە بیانبینێت، توێژەکانی تر ئاگاداری ئیرادەیان بن، کۆڵنەدان و نەسرەوتنیان ببینرێت. دێن تۆ و هاوپیشەکانت ئاگادار دەکەن، پێتان دەڵێن وەرن بمانگوازنەوە بۆ بەرچاوەکان، با ببینرێین، با بزانن هێشتا تروسکایی هیوا لای خوێندکار ماوە و ئاسۆ لە زانکۆ و پەیمانگەکانەوە هەڵدێ. بەڵام تۆ نایەیت، تۆ گوێی خۆت کەڕ دەکەیت، نایانگوازیتەوە، نایانخەیتە بەرچاو، ئەو داوا بچووکەی هەیانە بۆیان جێبەجێ ناکەیت: چونکە ''لیرە''ی بۆت تێدا نییە.

خۆ شۆک نین، سەرمان نەسووڕماوە کە بەم جۆرەیت؛ دەمێکە دەزانین کە بۆ تۆ بەرخۆدانی شەڕڤانێک لە کۆبانێ، بەقەد هەڵامەتگرتنی قارداشێک لە تەقسیم ئەرزشی نییە، دەمێکە دەزانین کە هاوار و ناڵەی ستەملێکراوان لات، لەچاو گوتاری سوڵتانێکی قەشمەردا هیچ گرنگییەکی نییە. دەزانین کە ''تاجیری خەبەر''یت، بێگومانین کە هەر لە تۆ دەوەشێتەوە بەرهەمە بۆگەنەکانی سیستم بۆ بەرچاوەکان بگوازیتەوە، دوایین ئینتاجەکانیمان پیشان بدەیت، بە شانازی و پۆزی پڕۆفیشناڵبوونەوە پێمان بڵێیت ئەم جارە چۆن شکۆ و کەرامەتیان شکاندووین، بیکەیتە مانشێتی سەرەکیت: وەرن بزانن کێ لە ئێوە جوانترە!

شیعر و گۆرانییەکی شاهین نەجەفی هەیە، بۆ یەکێک لە هاوپیشە و هاوڕێگەکانت نووسراوە و گوتراوە، کە لە ئاستیدا پێویستی بەم نووسینانەی سەرەوەی نەدەکرد، چونکە پڕاوپڕی دەفتەری ئەعمالی تۆشە. فەرموو:

بی بی بی بی سی گیان

شاهین نەجەفی

لە فارسییەوە: ئارمەن خەلیل

پێداچوونەوە و بەراوردکردنی: هەژار عوسمان

بی بی بی بی سی گیان، بی بی بی

بی بی بی بی سی، بی بی بی

بی بی بی بی سی گیان، بی بی بی

بی بی بی بی سی، بی بی بی

بی بی بی بی سی گیان، وێنەی ئیمام لە نێو مانگە*

ڕێی ئەوان بۆ نێو چاڵ و ڕێی ئێوەش هەر بۆ چاڵەبی بی بی بی بی سی گیان، ئەی جووزەی تاچەری**

ئەی تاجیری خەبەر! خەبەری ساختەیش دەکڕی

چارەنووسمان خوێنی نێو جۆگە وشکەکانی شەقام بوو

خراپ لێمان قەوما، کەچی بۆ تۆش باش بوو

داری دەستی پۆلیسەکان تەقەی نەهات، خواردمان، نۆشی گیانمان!

تۆیش بە سەردێڕی هەواڵەکانتەوە ڕاکە بەسەر تەرمەکانمانبە ئێش و گیانەڵامانەوە لێمان گەڕێ

ئەی گورگی میهرەبانی نێو پێستی مەڕێ

لەدەست خوێن و هەلاکەتە هاوارمان و بو‌غز

بە مە چی دەنگی دەوڵەتی پەیڕەوکراوی ئینگلیز

هیچ کات وەک تۆ بێتەرەف نین

وەک با ڕووتین، ئەمما بێشەرەف نین

بی بی بی بی سی گیان، بی بی بی

بی بی بی بی سی، بی بی بی

بی بی بی بی سی گیان، بی بی بی

بی بی بی بی سی، بی بی بی

کارێکم کرد لە هەر پەراسوویەکمەوە سەدی وەک من دێنە دەرێ

ترپەی دڵی گەمەکە بەدەست ئێمەیە و

من هێشتا لەسەر جەوهەرەکان وەستاوم و

ئەسپە سەرخۆشەکەم مەیلی لێیە بکا کارێ خەتەرێ

ئەو تفەنگە زمان و تیغی نێو دەممە

هەر وشەیەکی نێو شیعرەکانم دە مێشکی خەڵکی دەبنە شاژن

بۆ مەگەر فەلەک بیری دەچێتەوە تاوانەکەی شاژن!

من سەرانەم بە شتی زۆر لە تۆ کەڵەگاتریش نەداوە

ئەوەی بەسەر نەوەکەی ئێمەدا هات هێشتا لەبیرم ماوە

تۆ هەواڵنووسی بەلاڕێدابەریت و گوو دەنووسی

تۆ بە پارەی خەڵکی دەلەوەڕی و لە دەشتی چ ڕووی دا!

نانی بۆت پێ نەبوو ستار بەهەشتی***؟

کارەکانی ئێمە بە دڵ و دەروون هەواداریان هەن

بەڵام ئێوە مێشکنەخۆشن، مۆخەکانتان تایان هەن

دەبینم دەستت دەنێو گونەکانت خستووە و تووڕەیت

هەی مێشک عادە و ئایدزی خەبەر!

بی بی بی بی سی گیان بی بی بی بی بی! بی بی!

بی بی بی بی سی گیان بی بی بی بی بی! بی بی!

*مەبەست لە ئایەتولڵا خومەینییە

**مەبەست لە جەیمس تاچەرە، بووقلێدەرێکی ئەمەریکیی بەناوبانگە

***ستار بەهەشتی کەسێکی کرێکار و بلۆگنووس بوو، کە دەسەڵاتی سیاسیی ئێران زیندانیی کرد و لەژێر ئەشکەنجەدا مرد

گۆرانییەکە:

https://www.youtube.com/watch?v=HF30NlKXN48