پێکەوە بۆ بینینی فیلم: توڕەییە هێمنانەکەی فیلمی من، دانیەڵ بلەیک لە بەرانبەر نادادپەروەریدا

لە ئینگلیزییەوە: کانیاو سوعاد

پاش ئەوەی دانیەڵ بلەیک جەڵتەی دڵ لێی دەدات و توانای کرێکاریی نامێنێت، سیستم ئەو بۆ بیمەی بێکاری ناخوێنێتەوە. دان درک بە هیچێتیی جیهان دەکات، دەبێتە هاوڕێی دایکێکی تەنیای لەندەنی، کاتی، کە لە هەمان حاڵەتی ئەودایە. دەبێتە باپیرەی دوو منداڵەکەی کاتی و هاوڕێیەکی باشیش بۆ خۆی. دانیەڵ پیاوێکی ژیر و لێزانە، بەڵام لەگەڵ کاتی وەک منداڵ لە بەرانبەر جیهانی نوێی پێنەدانی بیمە بە هەژاران، بەریئن.

ئەم فیلمە بە سادەیی و ڕوونییە ڕادیکاڵییەکەی لێت دەدات. لەبارەی لۆچەوە دەڵێن کە ئەگەر بکرایە، بێ کامێرا فیلمی خۆی بەرهەم دەهێنا. ئەم دەرهێنانەی کە خاڵییە لە جوانی، بۆ جیدییەتێکی ناباو و ڕەق لەبارەی ئەوەی کە لۆچ دەیەوێت بیگەیەنێت، تەواو دروستە و پێکاویەتی. لە کارەکەیدا هەست بە گاڵتە دەکەیت، بەڵام گاڵتەیەکی ڕوون و ڕەوان.

ئەم حاڵە تا بێت زیاتر دانیەڵ لە تاوان و فێڵدا بۆ دەربازبوون تێوەدەگلێنێت، لەڕاستییشدا دان هێندە تووڕە کراوە، کە بکەوێتە نێو پلانی دراوسێیەکەی، کاتێک پێڵاوی هەرزانبایی لە چینەوە بهێنن و لە سووچی شەقامەکاندا بیفرۆشن.

ئەم کابووسە پڕ پێچوپەنایەی سیستم بەئازارتر دەبێت، وەختێک داواکارەکان، ئاندامەکانی چینی ستەملێکراوان، دانیەڵ و کاتی، پێیان دەگوترێت کە چارەنووستان لە ژێردەستی بڕیاردەرەکەدایە: ناونیشانێکی تۆقێنەر، پێغەمبەری دنیای سەرمایەداری. وەختێک دان لە تاقیکردنەوە سەرەتاییەکاندا بە ئارەزوو دەرناچێندرێت، وات لێ دەکات بیر بکەیتەوە ''ئەگەر دانیەڵ ئەوەندە ڕاستگۆ نەبوایە، گەر تەنها کەمێک وەک ئەوان، ئەوانی بەڕێوەبەری سیستم، فێڵی هەبوایە تا سیستمی پێ هەڵبخەڵەتێنێت، تەنها کەمێک..'' هەر ئەمەش وا دەکات کە دواتر ببێتە جێی دەنگوباسی تەلەڤیزیۆنەکان، لەژێر ناونیشانی ''بێشەرم'' یان ''داواکاری بیمە شەقام''.

ئەم فیلمە کۆمیدیایەکی ڕەشە، لۆچ دەیەوێت پێمان بڵێت کە هەژاری کاری خودا نییە، بەڵکو هیی خۆمانە: دەتوانین تێیبگەین و شتێکی لەبارەوە بکەین.

*

ئەم فیلمە لە چوارچێوەی پڕۆژەی پێکەوە بۆ بینینی فیلم لە سینەما سالم نمایش کرا و دوابەدوای بینینی لە لایەن بینەرانەوە گفتوگۆ دەربارەی کرا