لە ئینگلیزییەوە: ساڤان ئاکۆ
کاتی ١٩٨٤ ئەفسانەییە و شوێنەکە لەندەنە، پایتەختی ئەو ناوچەیەی ئۆشیانا، کە ناسراوە بە ئەیرستریپی یەک. وینستۆن سمیس تەمەنی سیونۆ ساڵە، بەڵام ڕوویەکی لاواز و وشکی منداڵێکی کەمخۆراکی هەیە، کە ڕوخساری پیاوێکی پیر دەنوێنێت. بە تەنها لە ژوورێکی زەمینیی دێزدا دەژی، کەلوپەلەکانی لە چاکەتێک، مێزێک و کورسییەک پێک هاتوون و شاشەیەکی گەورەی تەلەڤیزیۆن بەسەر کەلوپەلەکاندا زاڵە، کە چاودێریی دەکات و لایخۆی ئەو چاودێریی تەلەڤیزیۆنەکە دەکات.
کاتی ١٩٨٤ ئەفسانەییە و شوێنەکە لەندەنە، پایتەختی ئەو ناوچەیەی ئۆشیانا، کە ناسراوە بە ئەیرستریپی یەک. وینستۆن سمیس تەمەنی سیونۆ ساڵە، بەڵام ڕوویەکی لاواز و وشکی منداڵێکی کەمخۆراکی هەیە، کە ڕوخساری پیاوێکی پیر دەنوێنێت. بە تەنها لە ژوورێکی زەمینیی دێزدا دەژی، کەلوپەلەکانی لە چاکەتێک، مێزێک و کورسییەک پێک هاتوون و شاشەیەکی گەورەی تەلەڤیزیۆن بەسەر کەلوپەلەکاندا زاڵە، کە چاودێریی دەکات و لایخۆی ئەو چاودێریی تەلەڤیزیۆنەکە دەکات.
کاتێک دەچێتە سەر کار، پۆشاکێکی یەکپارچەی شینی تۆخ دەپۆشێت، کە پۆشاکی هاوچەشنی کاردنی ژنان و هەروەها پیاوانی ئۆشیانایە. بە درێژایی شەقامە بەردکارییەکان ڕەت دەبێت و چەندین پۆستەری زەبەلاح و هاوچەشنی ڕابەرە ئازیزەکەی ئۆشینیا تێدەپەڕێنێت؛ ڕێبەری گەورە، کە هەمیشە چاودێریکەرە.ژیانی وینستۆن لە ژیانی هاونیشتیمانیانی تری ئەو ناوچە دیاریکراوەی لەندەن شتێکی جیاوازتر نییە؛ وەک ئەندامێکی حیزبی دەرەکی کار بۆ دەسەڵاتێک دەکات لە وەزارەتی ڕاستی، کە لە لایەن ئەندامانی حیزبی ناوخۆ بەڕێوە دەبرێت و لە زمانی نوێی ئۆشینیادا بە مانای درۆ دێت. وەزارەتەکە تەرخان کراوە بۆ گۆڕانکاریکردن لە مێژوودا، بە جۆرێک کە لەگەڵ دوا سیاسەتەکانی حیزبدا بگونجێت.
کاتێک کەسێک لە کارکردن لەپێناوی دەسەڵاتدا دێتە دەرەوە و دەهەڵمێنرێت، وینستۆن دەبێت بە ڕۆژنامەکان و ڕیکۆردە فەڕمییەکاندا بگەڕێت و ناوی ئەو کەسە بسڕێتەوە و کەسێکی نەناسراوی لێ دروست بکات. کاتێک ئۆشێنیا ئاشتی لەگەڵ یورەیسیا بەرپا دەکات و هاوشانی یورەیسیا دەبێت لە جەنگی دژ بە ئیستئاسیا، وینستۆن دەبێت کرۆنۆلۆژیاکانی جەنگ نوێ بکاتەوە. نووسینەوەی مێژوو خۆی لە خۆیدا کارێکە دەوامکردنی هەمیشەییە، چونکە ئۆشینیا بەردەوام لە جەنگدایە، بە نۆرە لەگەڵ دانەیەک یان دانەیەکی تردا.
ڕۆژێک، لەو ناوچەیەی لەندەن کە پڕۆلیتاریاکان نیشتەجێین،-خڵتەکانی کۆمەڵگە لەژێر سووکایەتیدا بوون لە لایەن حیزبەوە، وینستۆن دەفتەری یادداشتێکی مۆدێل کۆن دەکڕێت، کە لاپەڕە بەتاڵەکانی دڵڕفێنن بەلایەوە. لە گۆشەیەکی ژوورەکەیدا کە ناتوانرێت لە لایەن شاشەی تەلەڤزیۆنەکەوە چاودێری بکرێت، دەست دەکات بە نووسین. گشت شێتگیری و تووڕەیی و نائومێدییەکانی هەڵدەڕژێ. ئەمە سەرەتای یاخیبوونی وینسۆن سمیسە، کە لە دواجاردا دەیبات بەرەو کەوتنی و پاشان بەرەو دەربازبوونی لە دەستی پۆلیسی بیرکردنەوە.
لە پێش ئەوەدا، هەرچۆنێک بێت، دەکەوێتە پەیوەندییەکی خۆشەویستیی کورت و مەست لەگەڵ ژولیا، خانمێکی گەنجی سەرکێش و لەڕێ لادەر، کە بە هەمان شێوە لە وەزارەتی ڕاستی کار دەکات و هاوڕێی ئۆبڕاینە، ئەندامێکی ڕیکوپێکی حیزبی ناوخۆیە، کەسێکە کە ڕەنگە ڕاستییەکان لەبارەی بوونی ژێرخانی سیاسی بزانێت.١٩٨٤، فیلمێکی سادە و ئاسان نییە بۆ تەماشاکردن، بەڵام سحرێکی تێدایە کە خوازیاری سەرنجدانە، تەنانەت گەر بشتەوێ دەست لە تەماشاکردنی هەڵبگریت، ناتوانیت.
*
